鮮忌廉藍莓士多啤梨蛋糕

焗熊仔蛋糕時一起焗了兩個四吋蛋糕. 2013/3/10 Sunday
亞BE午睡接近四小時, 我叫他起床, 他不肯, 發脾氣踢我, 倒頭再睡.
"你睇下呢個係咩黎.........."
亞BE望了一下, 表情好攪笑, 想笑, 但又未完全清醒


"想唔想食呀? 想食就起身啦."

這件鮮忌廉藍莓士多啤梨蛋糕, 終不辱使命, 愉快地喚醒了爛瞓豬仔BE

 

(嬌小甜美的韓國士多啤梨, 一定再買!!)


以下這個是做給舅母的, 可惜到達目的地後面目全非

我拍了拍肚皮跟亞BE說 "博博BB果陣住係媽咪肚仔度架, 表哥BB果陣住係舅母肚仔度......"
"依家舅母肚仔入邊又住咗個BB喎....... 你中意表妹定係表弟呀?"
"表妹, 我要同表妹玩........ 唔同表哥玩" 亞BE強調不跟表哥玩

"可能係表妹又可能係表弟喎, 博博就快做表哥喇"
亞BE好開心.

  

隔幾天, 亞BE摸摸我的肚子說 "住係媽咪肚仔度" (又幾好記性喎)
要去買燕窩給舅母吃了 (她話食燕窩, BB的皮膚會靚D, 表哥D皮膚似山水豆腐, 又白又滑, 又真係靚過亞BE好多)